Friday, May 7, 2021

क्षयरोग अन्त्यका लागि ईटिबी तालिम

महेन्द्रनगर ।
स्वास्थ्य कार्यालयमा क्षयरोग नियन्त्रणका लागि कार्यरत फोकल पर्सनकाहरुका लागि ईटिबी सम्बन्धि तालिमको आयोजना गरिएको छ ।

सुदूरपश्चिम प्रदेश, स्वास्थ्य निर्देशनालय राजपुर डोटीको आयोजना र सेभ दि चिल्ड्रेन युएस ग्लोबल फन्डको आर्थिक तथा प्राबिधिक सहयोगमा ४ मंसिरदेखि तालिम सुरु भएको हो ।

नेपालबाट क्षयरोग अन्त्यका गर्नमा तालिम सहयोगी हुने स्वास्थ्य निर्देशनालय राजपुर डोटीका क्षयकुष्ठ निरीक्षक मनोज प्रसाद ओझाले बताए । उनका अनुसार तालिम ८ मंसिरसम्म सञ्चालन हुने छ । सन् २०३० सम्ममा नेपालबाट क्षयरोग अन्त्य गर्ने योजन लक्ष्य छ ।

यहि रणनीतिअनुसार काम गर्दै जादा क्षयरोगका हरेक बिरामीको इलेक्ट्रोनिक रजिस्ट्रेसन हुन जरुरी रहेको र सोहि उद्देश्य पुरा गर्न तालिम आयोजना गरिएको सेभ दि चिल्ड्रेन युएस ग्लोबल फन्डका कार्यक्रम अधिकृत प्रकाश चन्द्र लेखकले बताए ।

संघीयता कार्यान्वयन पछी जिल्लामा अवस्थित स्वास्थ्य कार्यालयहरुको संरचना फेरबदल भएको र बिगतमा जस्तो क्षयरोगका लागि काम गर्ने छुट्टै फोकल पर्सन नभएको हुनाले हाल स्वास्थ्य कार्यालयमा बिभिन्न विधाका स्वास्थ्यकर्मीहरु काम गरिरहेकाले उनीहरुलाई तालिम दिएर क्षमता अभिवृद्धि गर्ने तयारी स्वरुप तालिम आयोजना गरिएको हो ।

कुनै पनि क्षयरोगबाट प्रभावित बिरामीले कम्तिमा ६ महिना औषधी खानु पर्ने हुन्छ । औषधी खाइ रहेकै बेला २ महिना, ५ महिना र अन्त्यमा ६ः महिना गरि कम्तिमा ३ पटक खकार जाँच गर्नु पर्ने हुन्छ ।

यसरी नियमित रुपमा खकार जाँच गर्न छुटाउने बिरामीहरुलाई समेत यस तालिमको माध्यमबाट ‘ट्रयाकिङ’ समेत गर्न सकिने छ ।

हाल क्षयरोग नियन्त्रण कार्यक्रमले सन् २०१५ को तुलना मा सन् २०२० सम्ममा २० प्रतिशतले बिरामी दर घटाउने र थप लुकेर बसेका २० हजार बिरामी पत्ता लगाउने समेत लक्ष्य लिएको छ ।

कार्यक्रमको उद्घाटन सत्रमा राष्ट्रिय क्षयरोग नियन्त्रण केन्द्रका निर्देशक डा. अनुज भट्टचनले भर्चुअल बिधि प्रयोग गरि सहभागीहरुलाई हाल विश्वब्यापी रुपमा फैलिएको कोभिड–१९ को महामारीमा पनि सुदूरपश्चिम प्रदेशले क्षयरोगका बिरामीहरुलाई दिनु पर्ने सेवामा कमी नगरेको बताए ।

यस्तै स्वास्थ्य निर्देशनालय राजपुर डोटीका स्वास्थ्य निर्देशक डा. गुणराज अवस्थीले तालिमको सफलताको शुभकामना दिएका थिए । उनले तालिममा सहभागीहरुलाई प्रदेशबाट क्षयरोग अन्त्यको लागि काम गर्नु पर्नेमा जोड दिए ।

LEAVE A REPLY

Please enter your comment!
Please enter your name here

कञ्चनपुरमा थप तीन संक्रमितको मृत्यु, कोरोनाले मृत्यु हुनेको संख्या ६० पुग्यो

महेन्द्रनगर । कञ्चनपुरमा पछिल्लो २४ घण्टाको अवधिमा तीन जना कोरोना संक्रमितको मृत्यु भएको छ । स्वास्थ्य कार्यालयका अनुसार भीमदत्त नगरपालिकाका दुई र दोधारा–चाँदनी नगरपालिकाका एक संक्रमितको...

लोकप्रिय

Shares