Wednesday, January 20, 2021

आगजनीपछि ठप्प शुक्लाफाँटा–७ को सेवा भोलीदेखि पुनः सुचारु हुने

महेन्द्रनगर ।

कञ्चनपुरको शुक्लाफाँटा नगरपालिका–७ वडा कार्यालयमा अज्ञात समुहको आगजनीपछि ठप्प रहेको सेवा पुनः सुचारु हुने भएको छ ।

मंगलवारदेखि वडा कार्यालयको सेवा पुनः सुचारु हुने  वडाध्यक्ष जगत बहादुर सिंहले बताए । सोमवार कञ्चनपुरका प्रमुख जिल्ला अधिकारी नुरहरी खतिवडा र जिल्ला प्रहरी कार्यालय कञ्चनपुरका एसपी मुकुन्द मरासिनी आगजनी भएको वडा कार्यालयको अनुगमनमा पुगेका थिए ।

७ साउनमा वडा कार्यालयमा अज्ञात समुहले आगजनी गरेको थियो । सोमबार वडा कार्यालयको अनुगमन गर्दै प्रमुख जिल्ला अधिकारी नुरहरी खतिवडाले रोकिएका सेवा तुरुन्त सुचारू गर्न जनप्रतिनिधि तथा कर्मचारीलाई आग्रह गरेका थिए ।

‘सिडिओ र एसपी साव आउनु भयो, घटनाको अनुसन्धान भइरहेकोले छिट्टै दोषिलाई कानुनी दायरामा ल्याउने वचन दिनुभयो ।’ वडाध्यक्ष जगत बहादुर सिंहले भने, ‘मंगलवारदेखि वडाबाट सबै सेवा पुनः सुचारु हुन्छन् ।’

आगजनीको विषयमा प्रहरीले अनुसन्धान गरिएको जिल्ला प्रहरी कार्यालय कञ्चनपुरका प्रमुख मुकुन्द मरासिनीले बताए । ‘हामीले अनुसन्धानलाई तिब्रता दिएका छौं’, उनले भने, ‘हामी चाँडैं निष्कर्षमा पुग्छौं ।’

LEAVE A REPLY

Please enter your comment!
Please enter your name here

कोरोनाका कारण दुबईमा ज्यान गुमाएका गुरुङका परिवारलाई आइएमईको आर्थिक सहयोग

कैलाली, ०७ माघ । कोरोना संक्रमणका कारण दुबईमा मृत्यु भएका दिनेश गुरुङको परिवारलाई आईएमई लिमिटेडले आर्थिक सहयोग गरेको छ । रोजगारीको सिलसिलामा दुबई गएका गुरुङको कोरोना...

लोकप्रिय

Shares