Wednesday, January 20, 2021

जनस्वास्थ्य तथा सुरक्षा मापदण्ड अपनाउँदै शैक्षिक कार्यक्रम सञ्चालन गर्दै इन्टरनेशनल पब्लिक स्कुल

महेन्द्रनगर ।

कोरोना भाइरसको महामारीबाट जोगिन भन्दै सरकारले गत चैत्र ११ गतेदेखि गरेको लकडाउन झण्डै चार महिना पछि खुलेको छ । कोरोना महामारीकै कारण शैक्षिक क्षेत्र निकै प्रभावित छन् ।

नयाँ शैक्षिक सत्र सुरु भए पनि पठनपाठन त परैको कुरा विद्यार्थी भर्ना समेत भएका छैनन् । लकडाउन खुलेसंगै सरकारले भदौ १ गतेदेखि भर्ना सुरु गर्ने तथा शैक्षिक कार्यक्रम अघि बढाउने निर्णय गरेको छ ।

यो निर्णयसंगै विद्यालयहरुले विद्यार्थी भर्ना तथा पठनपाठनका लागि तयारी थालेका छन् । कञ्चनपुरको उत्कृष्ट शैक्षिक गन्तव्य इन्टरनेशनल पब्लिक स्कुल महेन्द्रनगरले पनि भर्ना तथा कक्षा सञ्चालनका लागि तयारी थालेको जनाएको छ ।

कोरोना महामारीको जोखिम कायमै रहेकाले जनस्वास्थ्य तथा सुरक्षा मापदण्ड पालना गरेर शैक्षिक कार्यक्रम अघि बढाउन लागिएको स्कुलले जनाएको छ ।

विद्यालयमा ‘हेल्थ डेस्क’ !

कोभिड–१९ को जोखिम कायमै रहेकाले यसबाट बच्न उच्चतम उपायहरु अपनाएर शैक्षिक गतिविधि सञ्चालन गर्ने तयारी गरिएको प्रिन्सिपल राजेन्द्र भट्ट बताउँछन् ।

विद्यार्थीका लागि विद्यालयमा एउटा स्वास्थ्यकर्मी सहितको हेल्थ डेस्क राख्ने तयारी भइरहेको उनले बताए । त्यहाँ विद्यार्थीको नियमित स्वास्थ्य परीक्षण गरिने छ ।

थर्मल गनको प्रयोग
‘ज्वरो मापन गरेर मात्र विद्यालयभित्र प्रवेश गराउने व्यवस्था मिलाइएको छ । त्यसका लागि हामीले ‘थर्मल गन’ ल्याएका छौँ । मास्क अनिवार्य छ । स्कुल हाताभित्र सेनिटाइजर, मास्क, साबुनपानीले हात धुने व्यवस्था पनि मिलाएका छौँ ।’ प्रिन्सिपल भट्टले भने ।

‘कक्षाकोठामा बेला बेलामा सेनिटाइजिङ गर्ने गरिन्छ । भौतिक दुरी कायम राखिने छ ।’ उनले भने, ‘बसमा पनि भौतिक दुरी कायम गरेर मात्र विद्यार्थी ओसारिने छ ।’ विद्यार्थीको चाप बढि हुने भएकाले संक्रमण फैलिन नदिन दुई सिफ्टमा कक्षा सञ्चालनको तयारी भइरहेको प्रिन्सिपल भट्टले बताए ।

भर्ना फाराम वितरण सुरु
इन्टरनेशनल पब्लिक स्कुल महेन्द्रनगरले नयाँ शैक्षिक सत्रका लागि भर्ना फाराम वितरण सुरु गरेको छ ।

‘भर्ना गर्ने बेला भिडभाड हुने हुनाले हामीले अहिले फाराम वितरण गरिरहेका छौँ, अभिभावकहरुले घरमा फाराम भर्न सक्छन् । भदौ १ गते देखि भर्ना सुरु हुन्छ ।’ प्रिन्सिपल भट्टले भने, ‘पालैपालै भिडभाड नहुने गरी भर्ना कार्यक्रम गरिने छ ।’

अनलाइनमार्फत भर्ना
कोभिड–१९ को संक्रमणलाई मध्यनजर गर्दै इन्टरनेशनल पब्लिक स्कुलले अनलाइनमार्फत पनि भर्ना गर्न सकिने व्यवस्था मिलाएको छ ।

नयाँ विद्यार्थीहरुले यो सुविधा उपयोग गर्न सक्छन् ।

इन्टरनेशनल पब्लिक स्कुलको फेसबुक पेज (https://www.facebook.com/International-Public-School-Mahendranagar-1384955778409626) बाट फाराम भर्न सकिने विद्यालय प्रशासनले जनाएको छ ।

LEAVE A REPLY

Please enter your comment!
Please enter your name here

कोरोनाका कारण दुबईमा ज्यान गुमाएका गुरुङका परिवारलाई आइएमईको आर्थिक सहयोग

कैलाली, ०७ माघ । कोरोना संक्रमणका कारण दुबईमा मृत्यु भएका दिनेश गुरुङको परिवारलाई आईएमई लिमिटेडले आर्थिक सहयोग गरेको छ । रोजगारीको सिलसिलामा दुबई गएका गुरुङको कोरोना...

लोकप्रिय

Shares